იარაღის გადაფორმება

იარაღის ერთი პირიდან მეორეზე გასხვისება ფორმდება მომსახურების სააგენტოში. წარმოსადგენი დოკუმენტები:

• ერთობლივი განცხადება (ივსება ადგილზე);
• უფლების გადამცემისა და მიმღების პირადობის მოწმობები;
• გამსხვისებლის იარაღის რეგისტრაციის მოწმობა;
• მიმღების ცნობა ჯანმრთელობის მდგომარეობის შესახებ;
• იარაღის ბალისტიკური შემოწმების აქტი (მზადდება ადგილზე);
• კანონმდებლობით განსაზღვრული მოსაკრებელის გადახდის დამადასტურებელი დოკუმენტი;
• მომსახურების საფასურის გადახდის დამადასტურებელი დოკუმენტი.

იარაღის რეგისტრაციის შემდეგ სარეგისტრაციო მონაცემებში აისახება:

• იარაღის მესაკუთრის ან მოსარგებლის სახელი, გვარი, პირადი ნომერი; საცხოვრებელი ადგილი;
• იარაღის მარკა;
• მოდელი, სახეობა, ტიპი, კალიბრი (ყალიბი), იარაღის საიდენტიფიკაციო ნომერი;
• იარაღის შეძენის (შენახვა ან/და ტარება) ნებართვის სახე;
• იარაღის სარეგისტრაციო მოწმობის კატეგორია;
• იარაღის რეგისტრაციის (ხელახალი რეგისტრაცია) საფუძველი;
• დამატებითი ძირითადი ელემენტის (ასეთის არსებობის შემთხვევაში) საიდენტიფიკაციო ნომერი.