„იარაღის შესახებ“ საქართველოს კანონის 2023 წლის 1-ელი აგვისტოდან ამოქმედებული ცვლილებების თანახმად:
- სამონადირეო პროფილის იურიდიული პირი ვალდებულია თავის სახელზე დაარეგისტრიროს სანადირო ცეცხლსასროლი იარაღი და მისი ძირითადი ელემენტი/ელემენტები;
- დახურული ან/და ნახევრად დახურული ტირის, სასროლეთის ან/და სასროლო-სანადირო სტენდის გახსნის ნებართვის მფლობელი იურიდიული პირი/ინდივიდუალური მეწარმე ვალდებულია დაირეგისტრიროს სამოქალაქო ცეცხლსასროლი იარაღი და სამოქალაქო ბრუნვაში დაშვებული სანადირო და სპორტული პნევმატური იარაღები, რომლებიდან სროლა დასაშვებია დახურული ან/და ნახევრად დახურული ტირის, სასროლეთის ან/და სასროლო-სანადირო სტენდის ტერიტორიაზე საქართველოს მთავრობის დადგენილების და დახურული ან/და ნახევრად დახურული ტირის, სასროლეთის ან/და სასროლო-სანადირო სტენდის გახსნის ნებართვის შესაბამისად;
- საქართველოს კულტურისა და სპორტის სამინისტროს მიერ საქართველოს კანონმდებლობით დადგენილი წესით აღიარებულ სროლის სახეობის ეროვნულ სპორტულ ფედერაციას/ორგანიზაციას (შემდგომ − ფედერაცია) ან/და მის წევრ იურიდიულ პირს/ინდივიდუალურ მეწარმეს, რომელსაც საქართველოს კანონმდებლობით დადგენილი წესით გახსნილი აქვს დახურული ან/და ნახევრად დახურული ტირი, სასროლეთი ან/და სასროლო-სანადირო სტენდი, აგრეთვე იმავე წესით აღიარებულ ეროვნული სპორტული ორგანიზაცია (რომლის ერთ-ერთი მიმართულებაც სროლის სახეობაა) (შემდგომ − სპორტული ორგანიზაცია) ვალდებულია დაირეგისტრიროს − სანადირო და სპორტული ცეცხლსასროლი იარაღები, სამოქალაქო ბრუნვაში დაშვებული სანადირო და სპორტული პნევმატური იარაღები და მათი ძირითადი ელემენტებისა.
აღნიშნული პირები ვალდებულნი არიან მათ საკუთრებაში/სარგებლობაში არსებული იარაღი/იარაღები რეგისტრაციაში გაატარონ 2025 წლის 1-ელი თებერვლის ჩათვლით.
გარდა ზემოაღნიშნულისა, საქართველოს კანონმდებლობით განსაზღვრული იურიდიული პირი/ინდივიდუალური მეწარმე, „იარაღის შესახებ“ საქართველოს კანონით გათვალისწინებული შესაბამისი იარაღის შეძენიდან 10 სამუშაო დღის ვადაში ვალდებულია მომსახურების სააგენტოს რეგისტრაციისთვის წარუდგინოს შესაბამისი დოკუმენტაცია. აღნიშნული იარაღის რეგისტრაციამდე დაუშვებელია ამ იურიდიული პირის/ინდივიდუალური მეწარმის მიერ აღნიშნული იარაღის განკარგვა ან სარგებლობის უფლებით სხვა პირისთვის გადაცემა.
სარეგისტრაციო პროცედურასთან დაკავშირებით დეტალური ინფორმაციისთვის იხილეთ:
- შს მინისტრის ბრძანება N164 - სარგებლობაში ან საკუთრებაში არსებული იარაღისა და საბრძოლო მასალის ტარების, შენახვის, გადატანა-გადაზიდვის, გადაგზავნისა და რეგისტრაციის წესის დამტკიცების შესახებ;
- შს მინისტრის ბრძანება N963 - სამოქალაქო ბრუნვაში დაშვებული სანადირო და სპორტული პნევმატური იარაღების რეგისტრაციის, შენახვის, ტარების, გადატანის, გადაზიდვის ან გადაგზავნის წესის დამტკიცების შესახებ;
- შს მინისტრის ბრძანება N54 - იარაღის ბალისტიკური შემოწმებისა და ექსპერიმენტული გასროლის წესის დამტკიცების შესახებ.
მომსახურების სააგენტო არის მოწინავე სახელმწიფო სერვისების მიწოდების და დისტანციური მომსახურების სფეროში
ისარგებლეთ ჩვენი კომფორტული და სწრაფი სერვისებით როგორც სააგენტოს სერვის ცენტრებში, ასევე ონლაინ, სახლიდან გაუსვლელად.
ახალი ამბები
- მომსახურების სააგენტოს განცხადება 28 ნოემბერი, 2024
- მომსახურების სააგენტოს განცხადება 22 ნოემბერი, 2024
- მომსახურების სააგენტოს განცხადება 24 ოქტომბერი, 2024
მნიშვნელოვანი ბმულები
კონტაქტი
ტელ.: 12 72
საზღვარგარეთიდან: +995 (032) 2 41 91 91
ელ. ფოსტა: sagency@sa.gov.ge