მართვის მოწმობის შეცვლა/აღდგენა

მართვის მოწმობის შესაცვლელად მომსახურების სააგენტოში წარდგენილ უნდა იქნას შემდეგი დოკუმენტები:

1. პირადობის დამადასტურებელი მოწმობა;
2. არსებული მართვის მოწმობა;
3. ჯანმრთელობის მდგომარეობის შესახებ ცნობა (ფორმა IV-100/ა);
4. საფასურის გადახდის დამადასტურებელი ქვითარი.

* მართვის მოწმობის შეცვლის საფასური: 15 ლარი.

*მართვის მოწმობის შეცვლა მომსახურების სააგენტოს ყველა ფილიალში არის შესაძლებელი. 

* მართვის მოწმობას მიიღებთ რამდენიმე წუთში.

სატრანსპორტო საშუალების მართვის მოწმობის შეცვლის საფუძველი შეიძლება იყოს:

• მართვის მოწმობის მფლობელის მოთხოვნა;
• უცხო ქვეყნის მიერ გაცემული მართვის მოწმობის საფუძველზე ერთიანი ნიმუშის ეროვნული მართვის მოწმობის გაცემა;
• მართვის მოწმობის მოქმედების ვადის გასვლა;
• მართვის მოწმობის გამოყენებისთვის უვარგისობა (გაცვეთა, დაზიანება);
• მართვის მოწმობაში ასახული რომელიმე მონაცემის შეცვლა ან უზუსტობის გამოსწორება;
• მართვის მოწმობათა გაცემის რეესტრში ასახული სარეგისტრაციო ჩანაწერების შეცვლა ან უზუსტობის გამოსწორება;
• მართვის მოწმობაში აღნიშნული მონაცემების მართვის მოწმობათა გაცემის რეესტრში ასახული სარეგისტრაციო ჩანაწერებთან შეუსაბამობა;
• კანონმდებლობით განსაზღვრული სხვა გარემოებები;
  

 

 დაკარგული მართვის მოწმობის აღსადგენად მფლობელმა სააგენტოში უნდა წარადგინოს:

1. პირადობის დამადასტურებელი მოწმობა;
2. ჯანმრთელობის მდგომარეობის შესახებ ცნობა (ფორმა IV 100/ა);
3. საფასურის გადახდის დამადასტურებელი ქვითრები.
   
   
   
   

* დაკარგული მართვის მოწმობის აღდგენის საფასური: 35 ლარი.

* დაკარგული მართვის მოწმობის აღდგენა მომსახურების სააგენტოს ყველა ფილიალში არის შესაძლებელი.

* მართვის მოწმობას მიიღებთ რამდენიმე წუთში.