AM კატეგორია

AM კატეგორიის თეორიულ გამოცდაზე გასასვლელად ვიზიტის დაჯავშნა სავალდებულო არ არის.

* AM კატეგორიის მართვის უფლების მისაღებად ბარდება მხოლოდ თეორიული გამოცდა.

AM კატეგორიის სატრანსპორტო საშუალების მართვის უფლების მისაღებ თეორიულ გამოცდაზე დასაშვებად დაინტერესებულმა პირმა საჭიროა წარმოადგინოს:

• პირადობის დამადასტურებელი მოწმობა;

• ჯანმრთელობის მდგომარეობის შესახებ ცნობა (ფორმა IV 100/ა);

• დაბადების მოწმობის დედანი (ან მისი ნოტარიულად დამოწმებული ასლი);

• არასრულწლოვანმა პირმა, დამატებით, უნდა წარმოადგინოს დაბადების მოწმობა ან მისი ნოტარიულად დამოწმებული ასლი. ასევე, გამოცდაზე უნდა გამოცხადდეს მშობელთან ერთად, ან წარმოადგინოს მშობლის ნოტარიული წესით დამოწმებული თანხმობა.

თეორიულ გამოცდაზე პირველადი გასვლის საფასურია 15 ლარი, ხოლო შემდეგი გასვლის შემთხვევაში საფასური შეადგენს 40 ლარს.

შენიშვნა: სატრანსპორტო საშუალების მართვის უფლების არმქონე პირი “AM” კატეგორიის სატრანსპორტო საშუალების მართვის უფლების მისაღებ გამოცდაზე პირველად დაშვების შემთხვევაში გადაიხდის 15 ლარს.

მართვის მოწმობა მზადდება გამოცდის წარმატებით ჩაბარებიდან 5 სამუშაო დღის ვადაში.

დაჩქარებული წესით მოწმობის დამზადების ვადები და საფასურები:

1 (ერთ) სამუშაო დღეში მოწმობის დამზადების საფასური - 50 ლარი.

2 (ორ) სამუშაო დღეში მოწმობის დამზადების საფასური - 40 ლარი.