შინაგან საქმეთა სამინისტროს მომსახურების სააგენტოს ინიციატივით, წიგნის საერთაშორისო დღესთან დაკავშირებით, მცხეთის მუნიციპალიტეტის სოფელ ნავაზის ბიბლიოთეკასა და გორის მუნიციპალიტეტის სოფელ ნიქოზის ხელოვნების სკოლას სხვადასხვა დასახელების 200-ზე მეტი წიგნი გადაეცათ.
ნავაზის ახლადგახსნილ ბიბლიოთეკაში ახალგაზრდებს შსს-ს მომსახურების სააგენტოს დირექტორის მოადგილე ნინო ოსაძე და მცხეთის მუნიციპალიტეტის გამგებლის პირველი მოადგილე მადონა ჯიქია შეხვდნენ და წიგნის მნიშვნელობაზე ისაუბრეს. მომსახურების სააგენტოს თანამშრომლებმა კი სკოლის მოსწავლეებს შსს-ს საგზაო მოძრაობის უსაფრთხოების პროგრამის შესახებ პრეზენტაცია წარუდგინეს.
სოფელ ნიქოზის ხელოვნების სკოლის აღსაზრდელებმა სტუმრებისთვის ხელნაკეთი ნივთებისა და ნახატების გამოფენა მოაწყვეს. შსს-ს წარმომადგენლებმა მოზარდებს საგზაო მოძრაობის უსაფრთხოების კამპანიის ფარგლებში დამზადებული პრომო-მასალა და სიმბოლური საჩუქრები გადასცეს.
იუნესკოს გადაწყვეტილებით, 23 აპრილს, მთელი მსოფლიოს მასშტაბით, წიგნის საერთაშორისო დღე აღინიშნება.შსს-ს მომსახურების სააგენტოს მიერ წიგნის საერთაშორისო დღის აღნიშვნისადმი მიძღვნილი აქციის მიზანი ახალგაზრდებში წიგნის კითხვის წახალისება და სოფლად მცხოვრები მოსახლეობის საზოგადოებრივ ცხოვრებაში ჩართვის სტიმულირებაა.
მომსახურების სააგენტო არის მოწინავე სახელმწიფო სერვისების მიწოდების და დისტანციური მომსახურების სფეროში
ისარგებლეთ ჩვენი კომფორტული და სწრაფი სერვისებით როგორც სააგენტოს სერვის ცენტრებში, ასევე ონლაინ, სახლიდან გაუსვლელად.
ახალი ამბები
- მომსახურების სააგენტოს განცხადება 27 დეკემბერი, 2024
- მომსახურების სააგენტოს განცხადება 28 ნოემბერი, 2024
- მომსახურების სააგენტოს განცხადება 22 ნოემბერი, 2024
მნიშვნელოვანი ბმულები
კონტაქტი
ტელ.: 12 72
საზღვარგარეთიდან: +995 (032) 2 41 91 91
ელ. ფოსტა: sagency@sa.gov.ge