მომსახურების სააგენტოს მობილური ჯგუფი მომდევნო კვირის განმავლობაში, სვანეთის მოსახლეობას ადგილზე მოემსახურება

   შინაგან საქმეთა სამინისტროს მომსახურების სააგენტო გაცნობებთ, რომ სააგენტოს მობილური ჯგუფი, დაბა მესტიის პოლიციის შენობაში, ადგილობრივ მოსახლეობას 19 ივლისიდან 23 ივლისის ჩათვლით მოემსახურება და მიაწვდის შემდეგი სახის სერვისებს:

- სატრანსპორტო საშუალების (ავტომანქანები, მოტოციკლები, ტრაქტორები, მისაბმელები, ნახევარმისაბმელები) განბაჟება და რეგისტრაცია;

- იარაღის (სანადირო თოფი, კარაბინი, პისტოლეტი და ა.შ.) რეგისტრაცია;

- ნასამართლობის შესახებ ცნობის გაცემა;

- მართვის უფლების მისაღები თეორიული გამოცდა;

- მართვის მოწმობების შეცვლა და დაკარგული მოწმობის აღდგენა.