მომსახურების სააგენტო „A1“ ქვეკატეგორიის სატრანსპორტო საშუალების მართვის უფლების მოსაპოვებლად 26 აპრილიდან დროებით წესს აწესებს

მიმდინარე წლის 26 აპრილიდან შინაგან საქმეთა სამინისტროს მომსახურების სააგენტოს ინიციატივით, 18 წელს მიღწეული ფიზიკური პირებისთვის „A1“ ქვეკატეგორიის სატრანსპორტო საშუალების მართვის უფლების მინიჭების დროებითი წესი ამოქმედდება.

2022 წლის 26 აპრილიდან 6 ივნისამდე პერიოდში, ის პირები, რომლებსაც შეუსრულდათ 18 წელი და 2022 წლის 28 მარტამდე ჰქონდათ 25კმ/სთ-ზე მეტი კონსტრუქციული სიჩქარის მქონე ორთვლიან ან სამთვლიან მექანიკური სატრანსპორტო საშუალების მართვის არანაკლებ 3-თვიანი გამოცდილება, „A1“ ქვეკატეგორიის სატრანსპორტო საშუალების მართვის უფლების მოსაპოვებლად, რიგის დაჯავშნის გარეშე ჩააბარებენ მხოლოდ თეორიულ გამოცდას და მათზე გაიცემა შესაბამისი ქვეკატეგორიის მართვის მოწმობა.