მომსახურების სააგენტოს განცხადება

 გაცნობებთ, რომ იუსტიციის სამინისტროს აღსრულების ეროვნულ ბიუროში საქმისწარმოების პროგრამის მონაცემთა ბაზები ახალ სერვერებზე გადადის. ვინაიდან ოპტიმიზაციის პროცესში შეუძლებელი იქნება სხვადასხვა მონაცემთა ბაზასთან წვდომა და სერვისის განხორციელება, კვირას, 17 თებერვალს, შინაგან საქმეთა სამინისტროს მომსახურების სააგენტოს რუსთავის ცენტრალური ფილიალი ავტოსატრანსპორტო საშუალებების განბაჟება/რეგისტრაციას ვერ შეძლებს.    
ოპტიმიზაციის პროცესი ერთ დღეში დასრულდება და სააგენტოს ყველა ფილიალში სამუშაო პროცესი 18 თებერვალს ჩვეულ რეჟიმში აღდგება.

 ბოდიშს ვუხდით მომხმარებლებს შექმნილი დისკომფორტის გამო.