სანომრე - უფროსი

სსიპ - საქართველოს შინაგან საქმეთა სამინისტროს მომსახურების სააგენტო აცხადებს კონკურსს ეკონომიკური და ლოგისტიკის დეპარტამენტის ლოგისტიკის სამმართველოს სანომრე ნიშნების სამსახურში

სამუშაო ადგილმდებარეობა: ქ. რუსთავი

თანამდებობა: სამსახურის უფროსი

ვაკანტური თანამდებობის რაოდენობა: 1

თანამდებობრივი სარგო: 2100

ძირითადი ფუნქციები:

• ხელმძღვანელობს და წარმართავს სამსახურის საქმიანობას და წყვეტს მის კომპეტენციას მიკუთვნებულ საკითხებს: 

- ახორციელებს სააგენტოს სხვადასხვა სტრუქტურულ ერთეულებში არსებული საბეჭდი დანადგარების გამართულ მუშაობაზე კონტროლს და ხარვეზის დროულად აღმოფხვრის მიზნით, უზრუნველყოფს ინფორმაციის შესაბამისი სტრუქტურული ერთეულისთვის მიწოდებას ან/და შესაბამისი გადაწყვეტილებების მიღებას;

- აწარმოებს გახარჯული მასალების (სანომრე ფირფიტები) შესახებ სტატისტიკას, უზრუნველყოფს მასალების ნაშთების კონტროლს;

- ახორციელებს მექანიკური სატრანსპორტო საშუალების სანომრე ნიშნების დამზადების, დაკარგულის ან დაზიანებულის აღდგენისა და უფლებამოსილ პირებზე გადაცემის კოორდინაციასა და კონტროლს;

- უზრუნველყოფს დამზადებული და დასამზადებელი სანომრე ნიშნების აღრიცხვას და აღნიშნულის შესახებ ინფორმაციის დამუშავებას;

• ანაწილებს დავალებებს დაქვემდებარებულ მოსამსახურეებს შორის, საჭიროების შემთხვევაში უწევს მეთოდურ დახმარებას, აძლევს რეკომენდაციებსა და მითითებებს;

• ზედამხედველობს დაქვემდებარებული მოსამსახურეების მიერ სამსახურებრივი მოვალეობების დროულ და ეფექტიან შესრულებას;

• განიხილავს დაქვემდებარებულ ან სააგენტოს სხვა სტრუქტურულ ერთეულებში მომზადებულ დოკუმენტაციას და ახორციელებს ვიზირებას/ხელმოწერას;

• მოთხოვნის შემთხვევაში, წარადგენს პერიოდულ ანგარიშს სტრუქტურული ერთეულის საქმიანობის შესახებ;

• საჭიროების / მოთხოვნის შემთხვევაში წარადგენს წინადადებებს სტრუქტურული ერთეულის მოსამსახურეთა წახალისების ან მათზე დისციპლინური პასუხისმგებლობის დაკისრების თაობაზე;

• უზრუნველყოფს სააგენტოს ყოველდღიური საქმიანობის შესახებ განახლებული ინფორმაციის მოძიებას და დაქვემდებარებული თანამშრომლებისთვის გაცნობას;

• უზრუნველყოფს საქართველოს კანონმდებლობით განსაზღვრული სხვა ფუნქციების, აგრეთვე უშუალო ხელმძღვანელის ან/და ზემდგომი ხელმძღვანელი პირ(ებ)ის მიერ გაცემული დავალებებისა და ცალკეული მითითებების შესრულებას.

საკვალიფიკაციო მოთხოვნები:

• უმაღლესი განათლება

• სახელმწიფო ენის ცოდნა

დამატებითი მოთხოვნები:

• მუშაობის არანაკლებ 5 წლიანი გამოცდილება;

• სატრანსპორტო საშუალების მართვის უფლება - B კატეგორია

• სასურველია ხელმძღვანელ პოზიციაზე მუშაობის გამოცდილება;

• საოფისე კომპიუტერული პროგრამების (MS Word, MS Outlook, MS Excel) ცოდნა;

უნარ-ჩვევები:

• დაგეგმვის და ორგანიზების უნარი

• სიზუსტესა და დეტალებზე ორიენტირებულობა

• რესურების მოპოვებისა და გადანაწილების უნარი

• შემჭიდროვებულ ვადებში ეფექტიანად მუშაობის უნარი

• მომხმარებლის კმაყოფილებასა და შედეგზე ორიენტირებულობა

საკონკურსო თემატიკა:

• საქართველოს კანონი “საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ”

• საქართველოს შინაგან საქმეთა მინისტრის 2018 წლის 28 თებერვლის N24 ბრძანება „საჯარო სამართლის იურიდიული პირის - საქართველოს შინაგან საქმეთა სამინისტროს მომსახურების სააგენტოს დებულების დამტკიცების შესახებ“;

• საქართველოს შინაგან საქმეთა მინისტრის 2007 წლის 31 იანვრის N150 ბრძანება „მექანიკური სატრანსპორტო საშუალებების სავალდებულო რეგისტრაციის წესების შესახებ“;

კონკურსში მონაწილეობის მისაღებად კანდიდატმა უნდა წარმოადგინოს შემდეგი დოკუმენტაცია:

• სრულყოფილად შევსებული სააპლიკაციო ფორმა

• რეზიუმე / CV

• პირადობის დამადასტურებელი დოკუმენტის ასლი;

• განათლების დამადასტურებელი დოკუმენტის (დიპლომი) ასლი;

• ფოტო 3X4 1 (ერთი) ცალი;

• სამხედრო ბილეთი ან წვევამდელის მოწმობა (საჭიროების შემთხვევაში)

კონკურსის ეტაპები:

• აპლიკაციების შეფასება / გადარჩევა

• გასაუბრება

• ჯანმრთელობის მდგომარეობის ან/და ფიზიკური მომზადების დონის შემოწმება

• სპეციალური შემოწმება

საქართველოს კანონმდებლობით განსაზღვრული შეზღუდვების გათვალისწინებით შსს სისტემაში არ მიიღება:

• განზრახი დანაშაულისთვის ნასამართლევი პირი;

• პირი, რომლის მიმართაც მიმდინარეობს სისხლისსამართლებრივი დევნა;

• პირი, რომელიც სასამართლოს გადაწყვეტილებით ცნობილია ქმედუუნაროდ ან შეზღუდული ქმედუნარიანობის მქონედ;

• პირი, რომელსაც სასამართლოს მიერ ჩამორთმეული აქვს შესაბამისი თანამდებობის დაკავების უფლება;

• პირი, რომლის ჯანმრთელობაც, ჯანმრთელობის დაცვის სამსახურის სამედიცინო დასკვნის თანახმად, არ აკმაყოფილებს მოცემული თანამდებობის დასაკავებლად აუცილებელ მოთხოვნებს;

• ალკოჰოლიზმით, ნარკომანიით, ტოქსიკომანიით, ფსიქიკური ან/და სხვა სნეულებით დაავადებული პირი. სნეულებათა ჩამონათვალს ერთობლივად ადგენენ საქართველოს შრომის, ჯანმრთელობისა და სოციალური დაცვის მინისტრი და საქართველოს შინაგან საქმეთა მინისტრი;

• პირი, რომელიც თანამდებობის დაკავების შედეგად უშუალო სამსახურებრივი ზედამხედველობით უკავშირდება მშობელს, მეუღლეს, დას, ძმას, შვილს ან მეუღლის დას, ძმას, მშობელს;

• უცხო ქვეყნის მოქალაქე/უცხო ქვეყნის მოქალაქეობის პრეტენდენტი, საქართველოს კანონით ან საერთაშორისო ხელშეკრულებით გათვალისწინებული გამონაკლისის გარდა;

• სპეციალური შემოწმების შედეგად უარყოფითი შეფასების/შედეგის მქონე პირი;

• პირი, რომელმაც სამსახურში მიღების პროცესში შეგნებულად დამალა მასთან დაკავშირებული ინფორმაცია ან წარადგინა არასწორი მონაცემები;

• პირი, რომელიც ვერ აკმაყოფილებს საქართველოს შს სამინისტროში სამსახურის გავლის წესის მოთხოვნებს.

დამატებითი ინფორმაცია:

- კონკურსის მეორე ეტაპზე (გასაუბრება) გადავლენ კანდიდატები, რომლებიც დააკმაყოფილებენ საკონკურსო განაცხადში მითითებულ მოთხოვნებს და სავალდებულო დოკუმენტებს წარმოადგენენ სრულად.

- წარმატებულ კანდიდატებთან დაკავშირება, ასევე კონკურსის ეტაპების შედეგების შესახებ კონკურსანტების ინფორმირება მოხდება მათ მიერ აპლიკაციაში მითითებული საკონტაქტო ინფორმაციის შესაბამისად (ელ. ფოსტა ან/და მობილურის ნომერი).

! საყურადღებო ინფორმაცია:

დაინტერესებული პირის მიერ კონკურსში მონაწილეობის მისაღებად წარდგენილი განაცხადით კანდიდატი თანხმობას აცხადებს, რომ მის მიერ მითითებული ინფორმაციის სიზუსტე და კანონმდებლობით დადგენილ მოთხოვნებთან შესაბამისობა გადამოწმებულ იქნეს სააგენტოს მიერ.

- კონკურსში მონაწილეობის მისაღებად, დაინტერესებულმა პირ(ებ)მა განცხადებაში მოთხოვნილი დოკუმენტები და შევსებული სააპლიკაციო ფორმა, გთხოვთ, გადმოაგზავნეთ ელ. ფოსტაზე: hr@sa.gov.ge

- გთხოვთ, ელექტრონული წერილის სათაურის ველში (subject) მიუთითეთ იმ ვაკანტური თანამდებობის დასახელება, რომელზეც აკეთებთ განაცხადს

- განაცხადების მიღების ბოლო ვადა: 2019 წლის 22 ივნისი.