ვაკანსია - შიდა უსაფრთხოების განყოფილების II ჯგუფის ინსპექტორი

სსიპ - საქართველოს შინაგან საქმეთა სამინისტროს მომსახურების სააგენტო აცხადებს კონკურსს ადმინისტრაციული დეპარტამენტის შიდა უსაფრთხოების და ოპერატიული სანომრე ნიშნების სამმართველოს შიდა უსაფრთხოების განყოფილების II ჯგუფში

სამუშაო ადგილმდებარეობა: ქ.თბილისი

თანამდებობა: ინსპექტორი

ვაკანტური თანამდებობის რაოდენობა: 1

თანამდებობრივი სარგო: 1150

სამუშაო გრაფიკი: სამუშაო ძალის თანაბარი გადანაწილებისა და ცვლაში მუშაობის პრინციპის დაცვით შესაბამის ობიექტებზე უზრუნველყოფენ 24-საათიან მორიგეობას (შესაბამისი გრაფიკების შედგენას ახორციელებს შიდა უსაფრთხოების განყოფილების ჯგუფის უფროსი, უშუალო ხელმძღვანელთან შეთანხმებით)

ძირითადი ფუნქციები:

ა) წინასწარ განსაზღვრული სამუშაო გრაფიკის შესაბამისად უზრუნველყოფს დღე-ღამის განმავლობაში სამორიგეო ტერიტორიაზე წესრიგის დაცვას;

ბ) საეჭვო გარემოების აღმოჩენისთანავე ახორციელებს უშუალო ხელმძღვანელის ინფორმირებას;

გ) ახორციელებს სააგენტოს საკუთრებაში ან მფლობელობაში არსებულ მატერიალური ფასეულობების მართლსაწინააღმდეგო ხელყოფისაგან დაცვას;

დ) ღამის საათებში პერიოდულად (დადგენილი წესის შესაბამისად) ახორციელებს სააგენტოს პერიმეტრისა და შენობა-ნაგებობების დათვალიერებასა და კონტროლს;

ე) დადგენილი წესის შესაბამისად, უზრუნველყოფს სააგენტოში სტუმრის სტატუსით მოსულ პირთა აღრიცხვას, საშვის დაშვებასა და შესაბამისი რეესტრის წარმოებას;

ვ) საჭიროების შემთხვევაში უზრუნველყოფს მოქალაქეთა ინფორმირებას სააგენტოში მომსახურების მიღების პროცედურებთან დაკავშირებულ საკითხებზე;

ზ) სააგენტოში კონფლიქტური სიტუაციის წარმოშობისთანავე უზრუნველყოფს შესაბამის რეაგირებას (სიტუაციის განეიტრალება, საჭიროების შემთხვევაში სხვა ღონისძიებების გატარება);

თ) უზრუნველყოფს მორიგეობის გადაბარებასა და შესაბამისი მითითებების (არსებობის შემთხვევაში) გაცნობას;

ი) ყოველი ცვლის დასრულებისას უზრუნველყოფს შესაბამისი მატერიალური ინვენტარის მომდევნო ცვლისთვის გადაბარებას;

კ) ასრულებს საქართველოს კანონმდებლობით განსაზღვრულ სხვა ფუნქციებს, აგრეთვე უშუალო ხელმძღვანელის ან/და ზემდგომი ხელმძღვანელი პირ(ებ)ის მიერ გაცემულ დავალებებსა და ცალკეულ მითითებებს.

საკვალიფიკაციო მოთხოვნები:

• უმაღლესი განათლება

• სახელმწიფო ენის ცოდნა

დამატებითი მოთხოვნები:

• მუშაობის არანაკლებ 3 წლიანი გამოცდილება

• საოფისე კომპიუტერული პროგრამების (MS Office – Word, Outlook) ცოდნა

უნარ-ჩვევები:

• ორგანიზებულობა და დინამიურ სამუშაო რეჟიმში მუშაობის უნარი

• ეფექტური კომუნიკაციის უნარი

• სტრესულ გარემოში სწრაფად ადაპტირებისა და გადაწყვეტილების მიღების უნარი

• გუნდური მუშაობის უნარი

• მომხმარებლის კმაყოფილებასა და შედეგზე ორიენტირებულობა

• სიზუსტესა და დეტალებზე ორიენტირებულობა

• პროფესიულ განვითარებაზე ორიენტირებულობა

საკონკურსო თემატიკა:

• საქართველოს შინაგან საქმეთა მინისტრის 2018 წლის 28 თებერვლის N24 ბრძანება „საჯარო სამართლის იურიდიული პირის - საქართველოს შინაგან საქმეთა სამინისტროს მომსახურების სააგენტოს დებულების დამტკიცების შესახებ“

კონკურსში მონაწილეობის მისაღებად კანდიდატმა უნდა წარმოადგინოს შემდეგი დოკუმენტაცია:

• სრულყოფილად შევსებული სააპლიკაციო ფორმა

• რეზიუმე / CV

• პირადობის დამადასტურებელი დოკუმენტის ასლი;

• უმაღლესი აკადემიური განათლების დამადასტურებელი დოკუმენტის (დიპლომი) ასლი;

• ფოტო 3X4 1 (ერთი) ცალი;

• სამხედრო ბილეთი ან წვევამდელის მოწმობა (საჭიროების შემთხვევაში)

კონკურსის ეტაპები:

• აპლიკაციების შეფასება / გადარჩევა

• გასაუბრება

• ჯანმრთელობის მდგომარეობის ან/და ფიზიკური მომზადების დონის შემოწმება

• სპეციალური შემოწმება

საქართველოს კანონმდებლობით განსაზღვრული შეზღუდვების გათვალისწინებით შსს სისტემაში არ მიიღება:

• განზრახი დანაშაულისთვის ნასამართლევი პირი; 

• პირი, რომლის მიმართაც მიმდინარეობს სისხლისსამართლებრივი დევნა;

• პირი, რომელიც სასამართლოს გადაწყვეტილებით ცნობილია ქმედუუნაროდ ან შეზღუდული ქმედუნარიანობის მქონედ;

• პირი, რომელსაც სასამართლოს მიერ ჩამორთმეული აქვს შესაბამისი თანამდებობის დაკავების უფლება;

• პირი, რომლის ჯანმრთელობაც, ჯანმრთელობის დაცვის სამსახურის სამედიცინო დასკვნის თანახმად, არ აკმაყოფილებს მოცემული თანამდებობის დასაკავებლად აუცილებელ მოთხოვნებს;

• ალკოჰოლიზმით, ნარკომანიით, ტოქსიკომანიით, ფსიქიკური ან/და სხვა სნეულებით დაავადებული პირი. სნეულებათა ჩამონათვალს ერთობლივად ადგენენ საქართველოს შრომის, ჯანმრთელობისა და სოციალური დაცვის მინისტრი და საქართველოს შინაგან საქმეთა მინისტრი;

• პირი, რომელიც თანამდებობის დაკავების შედეგად უშუალო სამსახურებრივი ზედამხედველობით უკავშირდება მშობელს, მეუღლეს, დას, ძმას, შვილს ან მეუღლის დას, ძმას, მშობელს;

• უცხო ქვეყნის მოქალაქე/უცხო ქვეყნის მოქალაქეობის პრეტენდენტი, საქართველოს კანონით ან საერთაშორისო ხელშეკრულებით გათვალისწინებული გამონაკლისის გარდა;

• სპეციალური შემოწმების შედეგად უარყოფითი შეფასების/შედეგის მქონე პირი;

• პირი, რომელმაც სამსახურში მიღების პროცესში შეგნებულად დამალა მასთან დაკავშირებული ინფორმაცია ან წარადგინა არასწორი მონაცემები;

• პირი, რომელიც ვერ აკმაყოფილებს საქართველოს შს სამინისტროში სამსახურის გავლის წესის მოთხოვნებს.

დამატებითი ინფორმაცია: 

- კონკურსის მეორე ეტაპზე (გასაუბრება) გადავლენ კანდიდატები, რომლებიც დააკმაყოფილებენ საკონკურსო განაცხადში მითითებულ მოთხოვნებს და სავალდებულო დოკუმენტებს წარმოადგენენ სრულად.

- წარმატებულ კანდიდატებთან დაკავშირება, ასევე კონკურსის ეტაპების შედეგების შესახებ კონკურსანტების ინფორმირება მოხდება მათ მიერ აპლიკაციაში მითითებული საკონტაქტო ინფორმაციის შესაბამისად (ელ. ფოსტა ან/და მობილურის ნომერი).

! საყურადღებო ინფორმაცია:

დაინტერესებული პირის მიერ კონკურსში მონაწილეობის მისაღებად წარდგენილი განაცხადით კანდიდატი თანხმობას აცხადებს, რომ მის მიერ მითითებული ინფორმაციის სიზუსტე და კანონმდებლობით დადგენილ მოთხოვნებთან შესაბამისობა გადამოწმებულ იქნეს სააგენტოს მიერ.

- კონკურსში მონაწილეობის მისაღებად, დაინტერესებულმა პირ(ებ)მა განცხადებაში მოთხოვნილი დოკუმენტები და შევსებული სააპლიკაციო ფორმა, გთხოვთ, გადმოაგზავნეთ ელ. ფოსტაზე: hr@sa.gov.ge

- გთხოვთ, ელექტრონული წერილის სათაურის ველში (subject) მიუთითეთ იმ ვაკანტური თანამდებობის დასახელება, რომელზეც აკეთებთ განაცხადს

- განაცხადების მიღების ბოლო ვადა: 2020 წლის 13 მარტი .

გისურვებთ წარმატებებს!